Juventusi ka vazhduar me fitore në Serie A, pasi e ka mposhtur 2-1 Romën në kuadër të javës së 19-të.
Pas vetëm tre minutash lojë në Olimpico, Merih Demiral e kaloi Zonjën e Vjetër në epërsi me një asistim të Paulo Dybalas.
Shtatë minuta më vonë, La Joya e fitoi një penallti për torinezët të cilën në gol e konvertoi Cristiano Ronaldo.
Pjesa e parë përfundoi me dy golat e shënuar nga kampioni në fuqi i ligës italiane, derisa në të dytën u shënua vetëm një.
Ishte minuta e 68-të atëherë kur Roma fitoi një penallti dhe atë në gol e shndërroi Diego Perotti.
Gonzalo Higuain më pas e shënoi golin e tretët te Juventusi, por ai u anulua për shkak të pozitës jashtë loje.
Skuadra e Maurizio Sarrit e mori këtë fitore të vështirë ndaj romakëve, por që e mori edhe kreun e tabelës.
Pas javës së 19-të, Juventusi është rikthyer në krye të tabelës me 48 pikë, dy më shumë se Interi në të dytin, ndërsa në xhiron e 20-të do të ketë punë me Parman. /Telegrafi/
https://twitter.com/HDGoalsLive/status/1216447864030842880
https://twitter.com/Goal_Hut/status/1216469264032522240