Italia mund të kualifikohet ende për Kupën e Botës 2026, pavarësisht humbjes ndaj Bosnje dhe Hercegovinës në playoff.
‘Azzurrët’ pësuan një humbje pas penalltive në Zenicë të martën, me Pio Esposito dhe Bryan Cristante që gabuan nga pika e bardhë. Ndërkohë, Bosnja dhe Hercegovina ishte perfekte nga pika e penalltive, duke shënuar të katër goditjet e tyre.
Kjo do të thotë se Italia ka dështuar të kualifikohet për herë të tretë radhazi në Kupën e Botës, pasi nuk ka fituar asnjë ndeshje në fazat e eliminimit që nga triumfi në Kupan e Botës 2006.
Gennaro Gattuso deklaroi vitin e kaluar se, nëse 'Azzurrët' nuk do të kualifikoheshin për edicionin e 2026-ës nën drejtimin e tij, ai do të “largohej nga Italia”. Por ai dhe ekipi i tij mund të kenë ende një mundësi të fundit për t’u kualifikuar.
Kjo lidhet me luftën aktuale në Iran, ku ekipi i Lindjes së Mesme u tërhoq në Grupin G së bashku me Belgjikën, Egjiptin dhe Zelandën e Re.
Ministri i sporteve i Iranit deklaroi muajin e kaluar se ata nuk do të merrnin pjesë “nën asnjë rrethanë”, pas vrasjes së Liderit Suprem Ali Khamenei nga një sulm ajror i SHBA-së dhe Izraelit.
Sipas situatës aktuale, si Iraku, ashtu edhe Irani do të luajnë në turne, pavarësisht vazhdimit të konfliktit në Lindjen e Mesme.
Nëse Irani tërhiqet, rregullat e FIFA-s parashikojnë se ai do të zëvendësohet “nga një skuadër e nominuar si alternativë, shpesh fituesi direkt i playoff-it të kualifikimit ose skuadra më e lartë e renditur që nuk është kualifikuar nga ajo konfederatë”.
Skenari më i mundshëm është që Irani të zëvendësohet nga Emiratet e Bashkuara Arabe, të cilët arritën në fazën e playoff-it të Azisë para se të humbnin ndaj Irakut.
Megjithatë, FIFA mund të marrë vendimin në “diskrecion të saj të plotë”.
Pra, ekziston një mundësi shumë e vogël që ata të vendosin të thërrasin një ekip alternativ dhe Italia është skuadra më e lartë e renditur që nuk është kualifikuar, nëse FIFA ndjek këtë rrugë./Telegrafi/