Ishte në shtëpi pranë punëtorisë së tij në Pejë, persona të panjohur gjuajnë me armë

Policia e Kosovës ka bërë të ditur se një person ka raportuar se derisa ishte në shtëpi pranë punëtorisë së tij, persona të panjohur nga vetura në lëvizje kanë shtënë me armë zjarri dhe janë larguar në drejtim të panjohur.

Rasti ka ndodhur të martën, në ora 20:20.

“Në vendin e ngjarjes si provë materiale është gjetur dhe konfiskuar një gëzhojë që dyshohet të jetë e armës me gas”, thuhet në raport.

Nuk raportohet të lënduar, ndërkaq, rasti në procedurë hetimore. /Telegrafi/