Ish-portieri i Lokomotivës së Leipzigut gjendet i vdekur në pishinë
24/12/2019
Ish-portieri i Lokomotivës së Leipzigut të Gjermanisë, Pascale Gaedke, është gjetur i vdekur në pishinën e një ndërmarrje ndërtimi.
Klubi njoftoi se të gjithë ishin të tronditur nga ajo që kishte ndodhur.
Sipas informacioneve të para nga mediat gjermane, portieri 20-vjeçar i klubit të futbollit Libertvolkwitz u gjet në pishinë së bashku me dy burra të tjerë, transmeton KosovaPress.
Policia nuk ka komentuar nëse burrat ishin nën ndikimin e alkoolit ose narkotikëve, dhe deri më tani dyshohet të jetë helmim me dioksid karboni.
Shkaku i saktë i vdekjes së sportistit të ri do të dihet pas obduksionit.