Interi ka shënuar fitore me rezultat 4-1 ndaj Cagliarit në 1/8 e Kupës së Italisë.
Neroazurrët treguan forcën e tyre që në start, duke arritur të shënojnë që në minutën e parë me Romelu Lukakun që përfitoi nga një gabim në mbrojtjen e sardëve.
Në minutën e 22-të Interi i dha rrugë lojës, duke shënuar me Borja Valeron për 2-0.
Mer këtë gol u mbyll pjesa e parë, por gola kishte edhe në të dytën.
Në minutën e 49-të, Romelu Lukaku arriti të shënojë për 3-0, e që për të ishte goli i dytë në këtë takim.
Cagliari krejt çka bëri ishte një gol në minutën e 73-të me Alberto Cerrin që asistoi për shënuesin Christian Oliva (3-1).
Në fund të ndeshjes ishte radha edhe për Andrea Ranocchian, që shënoi për 4-1.
Interi me këtë fitore Interi ka kaluar në çerekfinale, ku e pret fituesin e ndeshjes Fiorentina-Atalanta. /Telegrafi/
https://twitter.com/CoppaVids/status/1217177983552753666
https://twitter.com/CoppaVids/status/1217189620443688960
https://twitter.com/CoppaVids/status/1217197474466664454