Romain Saiss ka humbur një nga shanset më ideale, pasi goditja e tij nga afërsia në portën e zbrazët shkoi mbi traversë.
Wolverhampton Wanderers kanë barazuar në udhëtim te Aston Villa pa gola (0-0) në ndeshjen e javës së 27-të në Ligën Premier.
Megjithatë, Ujqërit mund ta merrnin një fitore të madhe dhe të ngjiteshin në tabelës, sikurse Saiss të ishte më i saktë.
https://twitter.com/ELDommyNick/status/1368275707453796354
Lojtari i mysafirëve ka bërë njërën nga huqjet më të mëdha të sezonit, mos thënë më të madhen.
Saiss ishte rreth një metër larg vijës së portës dhe në portën e zbrazët dështoi të shënojë.
https://twitter.com/FPLMemes_/status/1368275336769732608
Reprezentuesi maroken nuk ishte në gjendje ta fuste topin në rrjetë dhe goditja e tij shkoi mbi traversë.
Ky rast i humbur bëri që Saiss të vë duart në kokë dhe të shtrihej përtokë duke mos i besuar syve dhe as vetes që humbi këtë rast ideal.
Është e panevojshme të thuhet, por ky rast i humbur nga Saiss ka bërë që tifozët të shkruajnë vazhdimisht në rrjetet sociale dhe të bëhet virale.
“Sinqerisht ishte më e vështirë të humbasësh”, ka shkruar një përdorues në Twitter.
“Huqja e sezonit nga një milje. Si e humbi atë?”, shkroi një përdorues tjetër.
“Hahaha është mbresëlënëse !! Si dreqin e arriti atë”, shkroi një tjetër. /Telegrafi/
https://twitter.com/FPLPriceChanges/status/1368272062280794113