Hoti: Të ndërmerren masa që sa më parë të normalizohet funksionimi i ekonomisë
26/05/2020
Kandidati për kryeministër, Avdullah Hoti ka thënë se pandemia COVID-19 ka shkaktuar shok ekonomik.
Hoti përmes një postimi në Facebook, ka shkruar se duhet të ndërmerren masa që sa më parë të normalizohet funksionimi i jetës ekonomike në vend.
Postimi i plotë:Është evidente se COVID-19 ka shkaktuar shok ekonomik, duke ndikuar negativisht në prodhim, punësim, të ardhura dhe eksporte. Prandaj, duhet ndërmarrë masa që sa më parë të normalizohet funksionimi i jetës ekonomike në vend.
Për mobilizimin e fondeve për rimëkëmbje ekonomike tashmë kemi filluar komunikimin me institucionet relevante për absorbimin sa më efikas të mbështetjes teknike dhe financiare. /Telegrafi/