31/12/2019
Thierry Henry thuhet se është njëri nga pretendentët kryesor për të zëvendësuar Ernesto Valverden te Barcelona.
Diario Sport raporton se Blaugranasit janë të zhgënjyer nga paraqitja e trajnerit spanjoll në këto dy sezonet e fundit dhe duan ta largojnë.
Kontrata e Valverdes me Barcelonën skadon në fund të këtij sezoni dhe klubi nuk dëshiron të vazhdojë bashkëpunimin me të.
Henry aktualisht është trajner i skuadrës nga MLS, Montreal Impact dhe lidhet me një rikthim në Camp Nou.
Legjenda e Arsenalit thuhet se ka pranuar që të bëhet trajner i Barcelonës, duke pranuar madje një pagë më të vogël se ajo e Valverdes. /Telegrafi/