Kevin Durant ka arritur të rikuperojë 23 milionë dollarë (18.6 milionë euro) në Bitcoin, vite pasi kishte harruar fjalëkalimin e llogarisë së tij.
Basketbollisti i Houston Rockets kishte investuar së bashku me partnerin e tij të biznesit, Rich Kleiman, rreth 100 mijë dollarë në vitin 2016, kur një Bitcoin kushtonte vetëm 650 dollarë.
Me rritjen e vlerës së kriptomonedhës, investimi i tyre arriti shifra marramendëse, por problemi ishte se Durant kishte harruar fjalëkalimin e llogarisë në Coinbase, duke e lënë kapitalin të bllokuar për vite të tëra.
Historia u bë publike nga vetë Kleiman gjatë një konference të “Game Plan” në CNBC dhe më pas u konfirmua edhe nga Brian Armstrong, CEO i Coinbase.
Edhe pse shuma e saktë nuk është bërë publike, llogaritjet tregojnë se Durant ka rikuperuar më shumë se 23 milionë dollarë (21.4 milionë euro) nga ky investim.
Rasti i tij nuk është unik, pasi mijëra përdorues të kriptomonedhave në botë kanë humbur qasje në asetet e tyre për shkak të fjalëkalimeve të harruara apo pajisjeve të dëmtuara, duke treguar një nga sfidat më të mëdha të botës së decentralizuar financiare. /Telegrafi/