Kampioni i botës në Formula 1, Lewis Hamilton është i bindur se Ferrari në garat e ardhshme do të përbëjë një kërcënim serioz për ekipin e Mercedesot.
Në garën e parë të sezonit në Melburn, Mercedes fitoi një rezultat të shkëlqyeshëm. Valteri Botas mori një fitore përpara Hamiltonit, duke i sjell skuderisë gjermane pikët maksimale.
I pyetur nëse ishte i befasuar me dështimin e bolidit italian të Ferrarit në garën e parë të sezonit, ai kishte një përgjigje duke thënë se ishte rastësi.
"Është e qartë se të gjithë jemi të habitur. Askush nuk e priste një start të tillë. Sinqerisht, nga analiza që kam paraqitur, kam besuar se ata tani ishin para nesh. Kjo nuk ishte kështu në garë dhe nuk e di se cili ishte problemi i Ferrarit, por jam i sigurt se do të jenë më të fortë në garën tjetër, kështu që duhet të jemi të kujdesshëm", tha Hamilton.
Pas garës në Melburn, Mercedes ka njoftuar se bolidi i britanikut kishte dëmtime, e cila gjë u thellua në xhiron e katërt të garës.
Ndryshe, Hamilton nuk ka fituar për vitin e katërt rresht në Çmimin e Madh të Australisë edhe pse në sezonet e fundit ishte në 'pole-position'. /Telegrafi/