Hajnat i hyjnë në shtëpi, i vjedhin para e ari – qytetari nga Prishtina raporton rastin në Polici

Një person ka raportuar në Polici se persona të panjohur kanë depërtuar në shtëpinë e tij dhe nga aty kanë arritur të vjedhin një sasi stoli ari dhe një shumë parash.

Njësitë policore kanë dalë në vendin e ngjarjes dhe janë duke e hetuar rastin.

Rasti ka ndodhur mëngjesin e hershëm të ditës së djeshme në Prishtinë.

“Prishtinë 18.09.2019 - 04:20. Viktima mashkull K/Shqiptar ka raportuar se persona të panjohur me forcë kanë depërtuar në brendinë e shtëpisë së tij dhe nga aty kanë arritur të vjedhin një sasi stoli ari dhe një shumë parash. Njësitë policore kanë dalë në vendin e ngjarjes dhe janë duke e hetuar rastin”, thuhet në Raportin 24-orësh të Policisë së Kosovës. /Telegrafi/