Futbollisti i njohur Granit Xhaka, është një prej personazheve më të ndjekur nga shqiptarët në rrjetet sociale.
Shpesh, ai ndan me ndjekësit fotografi të ndryshme nga stërvitjet e tij, teksa nuk mungojnë edhe imazhet nga jeta private me personat e familjes.
Së fundmi, mesfushori i Arsenalit, ka publikuar në rrjetin social Instagram një fotografi shumë të veçantë, ku shfaqet në krahët e nënës së tij në fëmijëri.
Në mbishkrimin e fotografisë, Xhaka shkruan një urim të përzemërt me fjalë të sinqerta për nënën e tij, me rastin e ditëlindjes së saj.
"A mjafton fjala urime që ta shprehi atë që kam në zemër. Nuk ekziston fjalë në botë që e ndërroj veç me një emër. Nuk ka dashni në botë që ma e madhe mund të jetë. Nëse ty nuk të kam kjo botë çfarë vlere mund të ketë. Për dhimbjen ma të vogël emrin tënd e thirri. Por edhe ty të jap lajme kur jam më se miri. Të flas për ty s’më mjaftojnë letrat e kësaj bote. Se dashuri pa hile është veç dashuria jote. Me një fjalë në fund po e mbylli këtë poezi. Urime NANË ditëlindjen e lum unë që të kam ty", ka shkruar Grabnit Xhaka në Instagram.
Ndërkohë, pëlqimet dhe urimet e shumta nga fansat e tij nuk kanë munguar.
I njëjti, tash e një vit është i martuar me shqiptaren, Leonita Lekaj. /Telegrafi/