Gjilani rikthehet te fitorja, Hajvalia ndalet nga Vushtrria
07/11/2015
Kësisoj, trajneri Bylbyl Sokoli ka debutuar me fitore, pasi vetëm një ditë më parë e mori drejtimin e skuadrës së Gjilanit, duke e zëvendësuar Sedat Pajazitin, i cili u shkarkua nga drejtuesit e klubit.
Golin e fitores për Gjilanin e shënoi Besnik Krasniqi, nga penalltia, në minutën e 75-të, pasi paraprakisht u ndal në mënyrë të palejueshme në zonë nga kapiteni i mysafirëve, Sami Geci.
Pas kësaj fitoreje, Gjilani ngjitet së paku përkohësisht në pozitën e dytë, me 24 pikë, derisa Drenica mbetet në pozitën e 8-të, me 16 pikë.
Ndërkohë në ndeshjen tjetër që u zhvillua sot në Kizhnicë, Hajvalia dhe Vushtrria e kanë mbyllur ballafaqimin e tyre pa fitues dhe pa gola. /Telegrafi/