Gjendet pa shenja jete një person në rrugën “Agim Ramadani” në Prishtinë
04/09/2026
Një person është gjetur pa shenja jete të premten rreth orës 20:00, në rrugën “Agim Ramadani” në Prishtinë.
Lajmin e ka konfirmuar zëdhënësja e Policisë për rajonin e Prishtinës, Flora Ahmeti.
Sipas saj, pas marrjes së informatës, njësitë policore kanë dalë në vendin e ngjarjes, ndërsa aty janë ftuar edhe ekipet mjekësore emergjente.
“Mjekët emergjentë kanë konstatuar vdekjen e viktimës, mashkull”, ka bërë të ditur Ahmeti.
Policia po vazhdon punën për të sqaruar rrethanat e rastit.