Milani i ka lënë të lënduarit Andrea Conti dhe Ivan Strinic jashtë nga lista e skuadrës për fazën e grupeve të Ligës së Evropës, teksa të gjithë të tjerët janë të përfshirë.
Rossonerët janë në të njëjtin grup me skuadra si Real Betisi, Olympiacos dhe Dudelange në garën e dytë më prestigjioze për nga rëndësia në Evropë.
Mbrojtësi i djathtë Conti u bashkua me klubin nga Atalanta për 24 milionë euro në korrik 2017, por ka bërë vetëm pesë paraqitje konkurruese për klubin.
Ai e shqeu ligamentin e kryqëzuar në gjurin e tij në shtator të vitit 2017 dhe bëri edhe një operacion tjetër në prill të vitit 2018, duke e lënë jashtë fushave për një kohë të gjatë.
Strinic ishte një agjent i lirë nga Sampdoria këtë verë, por u diagnostikua me probleme në zemër dhe duhet të ndalojë aktivitetin për disa javë në pritje të testimeve të mëtejshme.
Montolivo është përfshirë në listën e skuadrës, pavarësisht se nuk është pjesë e planeve të Gennaro Gattusos.
Gianluigi Donnarumma, Patrick Cutrone dhe portieri i tretë i zgjedhur, Alessandro Plizzari, mund të paraqiten në listën B sepse ata erdhën përmes Akademisë së klubit, ndërsa vend në listë kanë edhe transferimet e ardhura gjatë kësaj vere.
Lista AIgnazio AbateTiemoue BakayokoAndrea BertolacciLucas BigliaGiacomo BonaventuraFabio BoriniDavide CalabriaMattia CaldaraHakan CalhanogluSamuel CastillejoAntonio DonnarummaSusoAlen HalilovicGonzalo HiguainFranck KessieDiego LaxaltJose MauriRiccardo MontolivoMateo MusacchioPepe ReinaRicardo RodriguezAlessio RomagnoliStefan SimicCristian ZapataLista BRaoul BellanovaMarco BrescianiniPatrick CutroneGianluigi DonnarummaAlessandro PlizzariEmanuele TorrasiFrank Tsadjout/Telegrafi/