FSK vazhdon kërkimin deri në gjetjen e kampionit Sali Gërqina
29/06/2017
Ekipet e kërkim-shpëtimit të Forcës së Sigurisë së Kosovës (FSK) do të vazhdojnë edhe sot kërkimet me njësitë e zhytësve për gjetjen e trupit të Sali Gërqinës, i cili sipas Policisë së Kosovës ka kërcyer në lumin Drini i Bardhë nga Ura e Fshejt dhe nuk ka arritur të dalë nga aty.
Zëdhënësja e FSK-së, Remzije Zeqiraj në një prononcim për portalin Arbresh.info ka thënë se ekipet e shpëtimit të FSK-së do të vazhdojnë sot deri në orët e vona.
“FSK do të vazhdoj edhe sot kërkimin e trupit në fjalë deri në gjetjen e tij ose deri në orët e vona”, ka thënë ajo.