26/10/2022
Barcelona dhe Bayern Munichu ndeshen në Camp Nou për ndeshjen e raundit të pestë të fazës grupore në Ligën e Kampionëve.
Bavarezët i kanë fituar të gjitha ndeshjet e deritanishme në Grupin C, kurse Blaugranët kanë një fitore, një barazim dhe një humbje.
Do të shohim një përballje taktikash ndërmjet trajnerëve Xavi Hernandez dhe Julian Nagelsmann, të cilët i kanë zgjedhur formacionet startuese të takimit.
Formacioni startues i Barcelonës: Ter Stegen; Bellerin, Kounde, Marcos Alonso, Balde; De Jong, Busquets, Kessie; Dembele, Lewandowski, Pedri.
Formacioni startues i Bayern Munichut:Ulreich; Mazraoui, De Ligt, Upamecano, Davies; Goretzka, Kimmich; Gnabry, Musiala, Sadio Mane; Choupo-Moting.
Bayern Munichu e ka siguruar kohë më parë kualifikimin në fazën e eliminimit direkt dhe në raundin e fundit do të konkurrojë me Interin për vendin e parë në Grupin C, kurse Barcelona do ta vazhdojë garën në Ligën e Evropës. /Telegrafi/