Lojtarët e Real Madridit ishin shumë të gëzuar pas kualifikimit në çerekfinale të Ligës së Kampionëve, të martën mbrëma, kur e eliminuan Paris Saint Germainin.
Los Blancos fituan me rezultat 2-1 edhe në Parc de Princes dhe u kualifikuan tutje me rezultat të përgjithshëm prej 5-2.
Dhe për t'ua mundësuar tifozëve që të shohin paksa nga brendia e skuadrës, në faqen e klubit në Instagram është publikuar një video nga festa në zhveshtore.
"Festa e skuadrës në zhveshtore, pasi e mposhti PSG-në!", shkruan në përshkrimin e videos së publikuar në Instagram.
Natyrisht se fokusi ishte te futbollisti kryesor i Los Blancos, Cristiano Ronaldo, i cili ka vazhduar me rekorde të reja në garën më të madhe evropiane për klube.
Nga ana tjetër, nuk kanë munguar përqafimet e Zinedine Zidane me lojtarët e tij.
Kujtojmë se Cristiano Ronaldo e shënoi golin e parë në ndeshje, ndërsa pas barazimit nga PSG, Casemiro riktheu epërsinë. /Telegrafi/
