Fantastike Roma, nënshtron Lazion në derbi (Video)

Roma ka regjistruar fitore prej 4-1 kundër Lazios në derbin e kryeqytetit italian që u zhvillua të dielën në Stadio Olimpico.

Vetëm një gol u realizua në fraksionin e parë, ndërsa realizues ishte Stephan El Shaarawy që shënoi me kokë (15’).

Një top të rikthyer pas goditjes së shtyllës nga Perotti e shfrytëzoi Edin Dzeko për ta futur në portën e zbrazët (64’).

Pas një gabimi të portierit romak, Marco Parolo i bëri gjërat më interesante duke e ngushtuar rezultatin (75’).

Mirëpo, dy gola të shpejtë dhe të bukur nga Alessandro Florenzi (83’) dhe Diego Perotti (87’), bënë që të vulosej fitorja e Giallorossëve.

Me këtë fitore, Roma forcon pozitën e tretë në tabelë me shtatë pikë më shumë se Fiorentina, ndërsa i afrohet Napolit në vetëm katër pikë. /Telegrafi/