Euronews: Kelmendi kthehet për të fituar të artën në Paris Judo Grand Slam

Euronews shkruan se kjo garë nisi me stil të shtunën në Paris.

Veç garuesve të shumtë që morën pjesë në këtë garë, Euronews i ka kushtuar edhe një hapësirë Majlindës për të cilën thotë se u rikthye fuqishëm në garë pas një lëndimi të gjatë, raporton Koha.net.

Edhe pse luftoi për herë të parë në mbi një vit, kampionia e dyfishtë botërore me lehtësi mposhti finalisten që befasoi të gjithë, zviceranen Evelyne Schlopp, me një rrëzim perfekt me ippon.

Kujtojmë se ditën e djeshme, e shtunë, Majlinda Kelmendi fitoi medaljen e artë për të dytin vit radhazi në Grand Slamin e Parisit, ngjarje për të cilën Koha.net raportoi e para.