Këngëtarja e njohur shqiptare, Enca Haxhia, është mjaft aktive dhe e ndjekur në rrjetet sociale.
E njëjta nuk ngurron që herë pas here të ndajë imazhe dhe video të ndryshme me fansat e saj, duke mos munguar edhe ato nga përditshmëria.
Këtë herë, ajo ka vendosur të bëj një ndryshim të ri në pamje dhe këtë stil të flokëve e ka prezantuar para miliona fansave në llogarinë e saj personale, Instagram.
"Enca e kuqe dhe qielli me re", ka shkruar krahas këtyre postimeve artistja Haxhia, e cila vjen tejet atraktive në një palë tuta sportive të kuqe të kombinuar me një rryp të zi.
Këngëtarja Haxhia së fundmi ka qenë e angazhuar në filmin e ri të komedianit Ermal Mamaqi, "I Love Tropoja", gjersa luan një rol mjaft të veçantë.
Sa i përket projekteve muzikore, "Jealous" mbetet një prej realizimeve të fundit të lansuara nga 24-vjeçarja, ku në kanalin YouTube ka kaluar shifrën e 5.3 milionë klikimeve.
Këngëtarja në fjalë është duke punuar në projekte të reja, që pritet t'i publikojë gjatë ditëve në vazhdim. /Telegrafi/