Ekipi G2 mposht FaZe dhe kalon në finale të turneut të CS:GO – Blast Premier World Final
17/12/2022
G2 vazhdon formën fantastike në turneun Blast Premier World Final, tani me një fitore befasuese ndaj FaZe, për të siguruar finalen e madhe në Dubai.
G2 është hakmarrë ndaj FaZe, pas humbjes në grupe duke i mposhtur në gjysmëfinale me rezultat të përgjithshëm 2-0 me mapa.
Ekipi i udhëhequr nga HooXi fituan të dy mapat me rezultat të ngushtë, 16-14 në ‘Nuke’ dhe 16-13 në ‘Inferno’.
Në mapin e dytë, G2 arritën që ta përmbysin rezultatin pasi ishin duke humbur 11-4 në pjesën e parë.
Më meritori në fitoren e G2 ishte Nemanja 'huNter-' Kovac me 54 eliminime dhe vlerësimin nga HLTV 1.35.
Në finale G2 do të takohet me ekipin Liquid në garë për çmimin prej 500.000 dollarësh. /Telegrafi/