Këngëtarja Egli Tako ka tërhequr vëmendjen ditët e fundit, por jo për arsye të mira.
Gjatë një koncerti, ajo interpretoi këngën ikonike patriotike “Mora fjalë” të Shkurte Fejzës, një këngë me simbolikë të thellë kombëtare dhe emocione të forta për publikun shqiptar.
Por më shumë se sa zëri apo interpretimi, ajo që ra në sy ishte paraqitja e saj skenike. Egli u shfaq me një veshje të shkurtër dhe provokuese, që shumë e konsideruan të papërshtatshme për një këngë të tillë me përmbajtje patriotike.
Kjo solli reagime të shumta në rrjetet sociale, ku publiku shprehu pakënaqësinë dhe zhgënjimin.
Ndër ata që reaguan publikisht ishte edhe këngëtarja Nita Latifi, e cila nuk i kurseu komentet kritike.
Ajo shkroi:“Hajde brekët jemi mësuar t’i shohim, ama pse nuk është duke e kënduar këngën".
Komentet e saj vënë në pah dy problematika që shumë prej ndjekësve i kanë theksuar: mungesën e autenticitetit në interpretim dhe mosrespektimin e karakterit solemn të këngës. /Telegrafi/