Dy të rinj nga Lezha, me lajme të rrejshme ndikonin në zgjedhjet në Itali
Gazeta prestigjioze italiane “La Repubblica”, me 500 mijë kopje të shitura çdo ditë, ka botuar një investigim me titull: “Kështu financohet fabrika e “Fake News” (lajmeve të rreme)” të gazetarëve Carlo Bonini dhe Giuliano Foschini.
Nëntitulli i shkrimit është interesant: “Tregtarë publiciteti, start-up dhe një kompani ruse”.
Gazetarët flasin për një fabrikë me mijëra IP-interneti, që prej dy vitesh hedh helm online, duke toksikuar rrjetet sociale dhe debatin politike përmes ndikimit në fushatën elektorale.
Gazetarët italianë në investigimin te IP-ve në tre shtete, në Angli, Shqipëri dhe Rusi, kanë gjurmuar aktivistët e lajmeve të rreme në gjuhën italiane. Në Shqipëri kanë mbërritur të identifikojnë dy djem në Lezhë që kishin hapur disa portale në gjuhën italiane me qëllim nxjerrjen e lajmeve të rreme, marrjen e reklamave nga kompani dhe shtete të ndryshme, për të ndikuar në fushatën zgjedhore në Itali.
Ata kishin në pronësi domenet e Tutto24.info dhe Ilmondoit.info.