Këngëtarja e njohur Ledina Çelo e ka nisur në moshë shumë të re karrierën e saj muzikore.
Ajo numëron hite të shumta në karrierën e saj, gjersa shquhet për potencën vokale dhe interpretimet e fuqishme.
Ajo është mjaft aktive edhe në rrjetet sociale, përmes së cilave ndan me fansat fotografi të ndryshme nga jeta e saj.
Së fundmi, këngëtarja është bërë nostalgjike, duke publikuar një fotografi të realizuar në vitin 1997.
Ishte koha kur Ledina bashkë me Sabri Fejzullahun këndonin këngën e famshme "Ma ke prish gjumin e natës" në Festivalin e RTSH-së.
Një vajzë e re me flokë kaçurrela dhe shikim të mbrehtë, ishe imazhi i këngëtares shumë të dashur për publikun.
Kjo fotografi vërteton se Ledina ka qenë edhe atëherë shumë e bukur, dhe e tillë ka mbetur ndër vite, duke mos iu nënshtruar asnjë ndërhyrjeje estetike. /Telegrafi/
