Është motra e një prej këngëtareve më të famshme shqiptare në rrafshin ndërkombëtar. Fjala është për të motrën e Dua Lipës, Rinën, e cila muaj më parë ka realizuar një fotosesion që ka joshur vëmendje.
Kjo duket se i ka sjellë edhe suksesin e radhës pasi që është bërë pjesë e fushatës reklamuese të veshjeve të adoleshenteve.
"Nasty Gal" mban emrin kompania me seli në Los Angeles të SHBA-ve, e cila merret me vajzat e reja që kanë potencial në fushën e modelingut.
Suksesit të saj i është gëzuar edhe ylli botëror, Dua, e cila është shprehur krenare për motrën. "Kujdes botë, ky është vetë fillimi i dominimit të Rina Lipës. Krenare me ty motra ime e dashur, engjëll", janë fjalët e artistes shqiptare.
Këngëtarja 23 vjeçare, ka një raport mjaft të ngrohtë me Rinën, aq sa kjo e fundit qëndron gjithnjë prapa saj.
Ndërkohë, Dua është duke punuar në projekte të reja muzikore që do të jenë pjesë e video albumit të ri. /Telegrafi/