Drilon Rama është njëri nga banorët e Big Brother që u ngacmua më së shumti për pëlqimet ndaj vajzave të shtëpisë.
Atij fillimisht iu tha se ka pëlqim për Lelën, e tani për modelen nga Shqipëria, Sara Kolami.
E duket se rreth kësaj pjese ka më shumë presion se sa që ndihet i lirë të veprojë si të dojë.
Në një bisedë me Eduart Kuqin, boksieri thotë se është thirrur në dhomë të rrëfimit dhe se i kanë kërkuar që të lidhet me Sarën.
Ai ia përmend faktin se kështu duan t’i shohin jashtë dhe kjo të jetë vetëm për lojë.
“Ne as nuk ia kemi nisur dhe po duan të na shohin njerëzit bashkë e po na shtynë edhe në atë drejtim dhe që na kanë thirr edhe në dhomë të rrëfimit”, u shpreh ai.
Tutje shtoi: “Ti e di që na kanë thirr në dhomë të rrëfimit, ata njerëzit jashtë po duan. Nuk ka qenë interesant vëlla, nëse jashtë nuk duan nuk të qesin”.
Gjersa po fliste, Drilonit iu tërheq vërejtja nga ‘Vëllai i Madh’ disa herë me shprehjen ‘kujdes mikrofonin’. /Telegrafi/