Distria Krasniqi, e bronztë në Zagreb

Me këtë rast, Distria i fitoi 120 pikë olimpike dhe suksesit të saj iu gëzua trajneri Driton Kuka.
“Bravo Disi! Shumë krenar me ty! Medalja e bronztë, 120 Pikë Olimpike! Xhudo bën krenar shtetin e Kosovës e popullin shqiptar!”, ka shkruar Kuka në “Facebook”.
Krasniqi, krahas Majlinda Kelmendit, Nora Gjakovës dhe Akil Gjakovës, është njëra prej katër xhudisteve që pritet të marrë pjesë në Olimpiadën e Rios, që mbahet vitin e ardhshëm në Brazil. Ajo pritet të marrë pjesë edhe në Lojërat Evropiane, “Baku 2015”, që do të mbahen sivjet për herë të parë në Baku.