Demhasaj i lumtur me golin e katërt në Superligën e Zvicrës (Foto/Video)
Shkëlqim Demhasaj është duke kaluar nëpër një formë fantastike në Superligën e Zvicrës.
Sulmuesi i talentuar nga Kosova ka arritur të shënoj një tjetër gol me fanellën e Luzernit.
21-vjeçari ishte titullar për skuadrën e tij ndaj St Gallenit në fitoren bindëse 3-0.
Demhasaj arriti të shënoj golin e dytë për skuadrën e tij në minutën e 57-të.
Goli ndaj St Gallenit ishte i katërti në këtë edicion për talentin nga Deçani.
Përveç katër golave, Demhasaj ka asistuar edhe në dy të tjerë në elitën e futbollit zviceran.
Ai ka shfrytëzuar faqen e tij zyrtare në Facebook për tu deklaruar pas fitores ndaj St Gallenit.
"Paraqitje e mrekullueshme nga skuadra dhe rikthehemi te fitoret. I lumtur që pata mundësi të ndihmoj ekipin me një gol", ka shkruar Demhasaj në faqën e tij zyrtare në Facebook.
Në këtë takim për Luzernin në fushë ishte edhe ylli i Kosovës, Hekuran Kryeziu që luajti 75 minuta dhe shkëlqeu në mesfushë. /Telegrafi/