Antonio Conte ka refuzuar të takohet me Chelsean për të diskutuar mbi një zgjidhje jashtë gjyqësore të kontratës së tij.
Ish-trajneri i Kombëtares së Italisë u shkarkua nga Blutë në verën e këtij viti pasi dështoi ta fus ekipin londinez në Ligën e Kampionëve.
Bashkëkombësi i tij, Maurizio Sarri, erdhi te Chelsea duke e zëvendësuar atë në stolin e ekipit nga Stamford Bridge.
Pas shkarkimit, Conte ka të drejtë të marr pagën e vitit të fundit, por klubi refuzon këtë për shkak trajtimin e tij ndaj Diego Costas dhe kritikat ndaj bordit.
Sipas mediumit Sky Sports News, u propozua një takim për të zgjidhur gjërat jashtë gjykatës.
Megjithatë, ish-trajneri i Juventusit e refuzoi këtë zgjidhje pasi është i papunë.
Avokatët e tij po punojnë në një rast për një gjykatë të punës dhe një për Gjykatën e Arbitrazhit për Sport.
Conte është duke kërkuar dëmshpërblim për pagën e tij të vitit të fundit, duke marrë pretendimin e tij total në rreth 26 milionë euro. /Telegrafi/