Broja nuk ndalet, shënon edhe golin e dytë me Southamphtonin
25/08/2021
Sulmuesi shqiptar, Armando Broja, ka shkëlqyer në ndeshjen e tij debutuese me Southamphtonin, duke shënuar dy gola.
Sulmuesi që është huazuar nga Chelsea, ka arritur të shënoj që në start të ndeshjes kundër Newport.
Goli erdhi në minutën e 9-të, ku me një goditje nga afër Broja hapi ndeshjen (1-0).
Pjesa e parë është mbyllur me rezultat 3-0.
Në pjesën e dytë, Broja shënoi edhe një herë në minutën e 57-të të ndeshjes për rezultatin 6-0, pasi skuadra e tij kishte shënuar dy gola të shpejtë ne pjesën e dytë.
Sulmuesi shqiptar doli nga loja në minutën e 65-të të ndeshjes.
Broja llogaritet si njëri nga sulmuesit më me potencial në futbollin anglez. /Telegrafi/