02/09/2020
Brahim Diaz tashmë ka arritur në Milano për të kompletuar transferimin te Rossonerët.
Sulmuesi spanjoll nuk kishte vend në skuadrën e parë të Real Madridit, andaj opsion e kishte vetëm klubin italian.
Paolo Maldini kishte udhëtuar para disa ditësh në drejtim të Spanjës për t’i bindur Los Blancost që të lejojnë kalimin e Diaz në San Siro.
Duket se negociatat kishin shumë sukses dhe lojtari tashmë ka arritur në aeroportin e Milanos.
Diaz fillimisht kishte kundërshtar largimin nga Real Madridi, mirëpo Zinedine Zidane i ka bërë me dije atij se nuk është në planet e tij.
Real Madridi e transferoi Brahim Diazin nga Manchester City në janar të vitit 2019 për 17 milionë euro, mirëpo ai ka bërë vetëm pesë paraqitje në 18 muaj në La Liga. /Telegrafi/