Chelsea ka pësuar humbje prej 0-3 nga Bournemouthi, në ndeshjen e zhvilluar para tifozëve në Stamford Bridge.
Gjysma e parë e takimit përfundoi pa gola, duke qenë se asnjëra nga skuadrat nuk arriti ta gjente rrjetin.
Jo shumë minuta brenda gjysmës së dytë, u zhbllokua rezultati. Pas një aksioni të shpejtë, Callum Wilson realizoi për mysafirët (51'). Rezultati u dyfishua në minutën e 64 me golin e shënuar nga Junior Stanislas.
Tri minuta më pas u shënua edhe goli i tretë i skuadrës vizitore, realizues ishte Nathan Ake (67'), ndërsa goli erdhi pas një goditjeje nga këndi dhe angazhimit më të mirë të mysafirëve.
Kjo humbje e lë Chelsean në vend të katërt në tabelë, me dy pikë më shumë se Tottenham Hotspur që pozicionohet një vend më poshtë.
Bournemouthi është i dhjeti në tabelë pas 25 javëve në Ligën Premier, ku ka shënuar shtatë fitore, shtatë barazime dhe 11 humbje.
Në xhiron e ardhshme, Chelsea është mysafir i Watfordit, kurse Bournemouthi e pret Stoke Cityn. /Telegrafi/
https://www.dailymotion.com/video/x6e0ta0
https://www.dailymotion.com/video/x6e0tg9
https://www.dailymotion.com/video/x6e0tjv