Këngëtarja shqiptare me famë botërore, Bebe Rexha, po bëhet gati për të nisur turneun e saj të koncerteve në Shtetet e Bashkuara të Amerikës.
Ajo ndërkohë do të festojë edhe ditëlinjden e 30-të në fund të këtij muaji.
Duket se dhurata, bukuroshja shqiptare ka filluar të pranojë që tani, dhe një prej tyre e ndau së fundmi me ndjekësit e saj në InstaStory.
Bëhet fjalë për një varëse të gdhendur me emrin e saj artistik "Bebe", e cila ishte e punuar me diamantë të zinj.
Teksa e pyeste miken e saj nëse ishin diamantë, kjo e fundit e pohoi ndërsa Bleta (emri i vërtetë i këngëtares), u emocionua shumë duke e falënderuar pa fund.
Bebe Rexha përndryshe po shijon suksesin e këngës "Harder", të cilën e solli së fundmi në bashkëpunim me DJ e njohur, Jax Jones. /Telegrafi/