18/06/2022
Sulmuesi i Liverpoolit, Sadio Mane do të përfundojë transferimin e tij te Bayern Munich javën e ardhshme.
Bayerni dhe Liverpooli kanë arritur marrëveshje për një tarifë që shkon deri në 40 milionë euro.
Eksperti italian i transferimeve Fabrizio Romano raportoi se Bayerni ka caktuar testet mjekësore për të martën me senegalezin Mane.
Kapiteni i Senegalit ka rënë dakord për kushtet personale me Bayernin për një kontratë trevjeçare.
Një prezantim në Allianz Arena është planifikuar paraprakisht për të mërkurën e ardhshme.
Mane pritet të ketë një pagë disa herë më të lartë sesa gjashtë milionë euro sa fitonte te Reds. /Telegrafi/