Avokati i familjes Dehari, Tomë Gashi, ka thënë se nuk është në dijeni nëse janë gjetur mostrat e zhdukura të ish-aktivistit të Vetëvendosjes, Astrit Dehari.
Ky deklarim i tij vjen pasi Telegrafi dhe disa media të tjera njoftuan se janë gjetur një pjesë e mostrave të Deharit.
Telegrafi ka mësuar se mostrat ishin zhvendosur nga laboratori i toksikologjisë, në një frigorifer tjetër brenda IML-së.
Duke iu referuar burimit, mostrat që janë gjetur janë të lukthit dhe të urinës, ndërsa mungojnë, mostrat e gjakut.
“Po thonë u gjetën…! Disa gazetarë po më pyesin se a janë gjetur mostrat e Astrit Deharit. Unë po ju them se nuk e di”, ka shkruar Gashi në llogarinë e tij në Facebook.
Lidhur me rastin, Telegrafi ka kontaktuar Ministrinë e Drejtësisë, por nga ky dikaster kanë thënë se nuk janë të informuar./Telegrafi/