Autoritetet holandeze kanë kapur rreth 300 shqiptarë, tentonin të kalonin në Britani

Rreth 300 emigrantë shqiptarë janë kapur nga autoritetet holandeze gjatë këtij viti, në tentativë për të kaluar nga Holanda në Britani, njofton Ministria e Drejtësisë holandeze.

Sipas një raporti të ministrisë holandeze, shumica prej tyre janë zënë derisa tentonin të ngjiteshin në kamionë, raporton portali holandez Dutchnews.nl.

Ministria e Drejtësisë në Holandë, po ashtu ka bërë të ditur se saktësisht 840 emigrantë – jo vetëm shqiptare – janë kapur nga autoritetet holandeze këtë vit.
190 prej tyre janë zënë në anën tjetër të kanalit detar, në Britani të Madhe, shkruan Insajderi.

Britania e Madhe është njëra nga destinacionet kryesore të emigrantëve shqiptarë, të cilët jo pak herë janë kapur teksa ilegalisht kanë tentuar kalimin në Mbretërinë e Bashkuar.