Paulo Dybala është duke kaluar nëpër një formë fantastike me Juventusin. Sulmuesi argjentinas nuk preferohej në fillim nga Maurizio Sarri, por tani është lojtari kryesor i Zonjës së Vjetër.
Megjithatë argjentinasi nuk është i lumtur me tretmanin që ka tek kampioni italian. 26-vjeçari po e mendon largimin dhe dëshiron një skuadër ku do të ishte njeriu kryesor në të. Atletico Madridi vazhdon të insistojë për transferimin e Dybalas në janar.
Mediat spanjolle dhe ato italiane kanë raportuar se trajneri Diego Simeone ka kërkuar me çdo kusht transferimin e bashkëkombësit të tij në Wanda Metropolitano.
E për të arritur deri tek numri 10 i Juventusit, Atletico ka gati një ofertë prej 80 milionë euro. Interesim për Dybalan kanë shfaqur edhe PSG, Tottenham Hotspur dhe Manchester United.
Por vështirë se Juventusi do të heqë dorë nga ai duke parë formën e jashtëzakonshme që ka shfaqur në ndeshjet e fundit. /Telegrafi/