Mikel Arteta është kandidati kryesor për postin e trajnerit të Arsenalit.
Ish-mesfushori i Topçinjve, i cili aktualisht është asistent i Pep Guardiolas te Manchester City, ka marrë kryesimin në garën për të zënë vendin e Arsene Wenger.
Trajneri i Juventusit, Massimiliano Allegri, ishte shënjestra kryesore e klubit anglez, mirëpo ai ka vendosur të vazhdojë me Zonjën e Vjetër.
Shefi ekzekutiv i Arsenalit, Ivan Gazidis dhe kreu për çështjet e futbollit, Raul Sanllehi, kanë vendosur që ta angazhojnë 36-vjeçarin.
Pos trajnerit të ri, pritet që të ndryshojë i gjithë stafi trajnues në Emirates Stadium, ndërsa është e pasigurt se a do të qëndrojnë Steve Bould dhe Jens Lehmann.
Kreu i shërbimeve mjekësore, Colin Lewin, është ndër ata që largohet nga Arsenali, pasi ka punuar për 23 vjet te klubi anglez.
Kujtojmë se Wenger nuk do të jetë trajner i Topçinjve nga sezoni i ardhshëm. /Telegrafi/