Arsenali është interesuar për Joshua Zirkzeen e Bolognas dhe po e vëzhgon me vëmendje sulmuesin, pasi ata e konsiderojnë si objektiv të mundshëm që mund të forcojnë sulmin e Mikel Artetas .
Nevoja e Arsenalit për një tjetër sulmues është bërë më e ngutshme javët e fundit për shkak të problemeve të tyre me shënimin e golave dhe një dëmtimi tjetër në gju i pësuar nga sulmuesi Gabriel Jesus.
Në anën tjetër klubi gjithashtu ka pasiguri për të ardhmen e Eddie Nketiah.
Zirkzee ka shënuar tetë gola dhe ka regjistruar katër asistime në 22 paraqitje për Bologna këtë sezon dhe do të ofronte një lloj tjetër opsioni në sulm për skuadrën e Artetas.
Çdo lëvizje për një sulmues të ri mendohet të jetë shumë e komplikuar këtë muaj, megjithatë, sipas Telegraph, se Bologna do të dëshironte një tarifë mbi 55 milionë euro.
Bologna e ka bërë të qartë se ata nuk kanë ndërmend të shesin Zirkzee këtë dimër, me drejtorin sportiv Marco Di Vaio që tha muajin e kaluar se holandezi është një lojtar "unik".
Di Vaio tha gjithashtu se Zirkzee ka një klauzolë lirimi, por se ajo është e vlefshme vetëm për Bayern Munich, që e kishte blerë sulmuesin nga Feyenoord kur ai ishte adoleshent. /Telegrafi/