Althauser: Gjermania është mike e Maqedonisë dhe e gatshme për ta ndihmuar
18/05/2017
Ambasadorja gjermane në Shkup, Christine Althauser, ka deklaruar se Gjermania është mike e Maqedonisë dhe qëndron e gatshme që të vazhdojë me mbështetjen e saj, përcjell Telegrafi Maqedoni.
E pyetur për deklaratat e Ivanovit për gjoja informim të rrejshëm të saj në MPJ-në gjermane, Althauser tha se ka marrëdhënie të shkëlqyera profesionale me kryetarin Ivanov dhe se puna esaj në Berlin është vlerësuar shumë nga MPJ-ja gjermane.
Ajo nuk dha ndonjë koment tjetër përpos një proverbë, ''sa më shumë armiq, aq më shumë nderë për mua''. Deklarata e saj u bë në konferencën e Grupit të Vishegradit dhe Ballkanit Perëndimor që mbahet në Shkup./Telegrafi/