Juventusi është eliminuar nga Liga e Kampionëve pasi pësoi disfatë para adhuruesve të vet nga Ajax 1-2.
Me rezultat të përgjithshëm 3-2, kampionët në fuqi të Italisë janë eliminuar në çerekfinale gjë që ka sjell dëshpërim në kampin bardh e zi.
Trajneri Massimiliano Allegri ka folur për eliminimin dhe yllin e tij më të madh Cristiano Ronaldo.
“Ronaldoka bërë një sezon të jashtëzakonshëm dhe nesër do të jetë në fushë nga minuta e parë. Cristiano është e ardhmja e Juventusit, është një lojtar i madh dhe do të bëjë sërish një sezon të madh vitin tjetër”.
“Është i qetë, i zhgënjyer si të gjithë ne sepse jemi eliminuar Liga e Kampionëve, që kemi dashur ta fitojmë”, tha Allegri.
Krejt në fund tekniku i bardhezinjve tha se duhet ta marrin edhe një pikë për titullin e kampionit.
“Na duhet ende një pikë në kampionat, përderisa nuk e kemi duhet të jemi të kujdesshëm. Më pas do të planifikojmë të ardhmen”, përfundoi trajneri i kampionëve në fuqi të Italisë. /Telegrafi/