ALBA Qeramika ka një muaj që ka hapur lojën shpërblyese për 4 bileta për adhuruesit e futbollit për të parë ndeshjen mes Galatasaray dhe Arsenal, në Turk Telekom Arena, në Stamboll të Turqisë. Pakoja fituese përfshinë: Biletën e aeroplanit (kthyese); Biletën e ndeshjes futbollistike; Akomodimin në hotel (fjetja+mëngjesi); Transportin prej aeroportit në hotel dhe anasjelltas.
Përpos kësaj, përfituesit e këtyre biletave do të jenë pjesë e organizimit të Fan Klubit të Galatasaray në Prizren, i cili do t’i shoqërojë gjatë gjithë udhëtimit të tyre për ndeshjen GALATASARAY vs. ARSENAL. Për të marrë pjesë në lojën shpërblyese është dashur vetëm të vizitohet pika e ALBA Qeramikës në Prizren dhe të plotësohet formulari përkatës.
Përfaqësuesit e kompanisë ALBA Qeramika janë shprehur se ndihen krenarë që kanë mundësinë të përkrahin sportdashësit. Ata thanë se në projektet e kompanisë së tyre janë edhe disa forma tjera të përkrahjes së sportit dhe sportdashësve kosovar.
Katër përfituesit e lojës shpërblyese u shprehen shumë të kënaqur që ALBA Qeramika, përmes lojës shpërblyese, u ka dhënë atyre mundësinë të jenë pjesë e tifozerisë në stadiumin Turk Telekom Arena në Stamboll.