15/11/2018
Një aksident komunikacioni ka ndodhur rreth orës 19 e 35, në Leshan të Pejës.
Aksidenti ka ndodhur në mes të tri veturave, ndërkaq si pasojë, pesë persona kanë pësuar lëndime trupore.
Rastin për Telegrafin e ka konfirmuar edhe zëdhënësi i Policisë, Driton Rugova.
Ai ka thënë se të lënduarit e aksidentit janë dërguar menjëherë në Spitalin Rajonal të Pejës, për tretman mjekësor.
Sipas tij, personat e aksidentuar ndodhen jashtë rrezikut për jetë.
Njësitë policore përkatëse kanë dalë në vendin e ngjarjes dhe po i hetojnë shkaqet e aksidentit./Telegrafi
