Aksident mes katër veturave në Gllarevë të Klinës, lëndohen gjashtë persona

Gjashtë persona kanë mbetur të lënduar në një aksident trafiku që ka ndodhur sot në fshatin Gllarevë të Klinës.

Lajmin e ka konfirmuar për Telegrafin, zëdhënësi i Policisë së Kosovës për rajonin e Pejës, Fadil Gashi.

"Rreth orës 13:15, katër vetura janë përfshirë në një aksident trafiku ku gjashtë persona kanë mbetur të lënduar. Të lënduarit janë dërguar për tretman mjekësor në spitalin e Pejës", tha ai.

Gashi shtoi se tashmë me rastin po merren njësitet kompetente./Telegrafi/