Këngëtarja e njohur e skenës muzikore shqiptare, Adelina Ismaili, ditë më parë njoftoi se është bërë me veturë të re.
Ajo tregoi se ka blerë një makinë të re të tipit ‘Renault Captur’ në AutoMita, ndërsa ditën e sotme (e hënë) ka zbuluar se kjo ishte një dhuratë nga bashkëshorti.
Krijuesja e hitit “Amaneti” ka ndarë një postim në InstaStory dhe këtë rast ka falënderuar partnerin e saj, Val Krasniqin.
“Janë disa momente në jetë kur edhe super llafazanet mbyllin gojën. Ti e di që unë materialiste nuk jam as nuk kam qenë kurrë, nuk e dalloj Porsche-në nga autobusi. Por është dedikimi yt e dashnia që sot, e çdo ditë më bën të falënderoj Zotin që jam grua”.
“Faleminderit që ma bëre 8 Marsin më të bukur në jetë. Të dua Val Krasniqi”, kanë qenë fjalët e Ismailit përkrah postimit.
Adelina dhe Vali ndërkohë janë prindër të një djali të quajtur, Uliks. /Telegrafi/