Janë të njohur tashmë për bashkëpunimet e tyre të shumta.
Reperët 2po2 dhe Capital T, të cilët janë të njohur edhe falë relacionit të tyre dajë-nip, kanë bërë të ditur se do të sjellin një tjetër bashkëpunim.
Bëhet fjalë për një këngë të re, e cila është punuar në studion "Authentic Entertainment" dhe do të publikohet këtë të shtunë, më datë 15 mars.
Ka qenë 2po2, ai i cili ka publikuar një fotografi në rrjetin social Instagram, përmes së cilës ka zbuluar edhe titullin e këngës "Borëbardha".
"Ne s'mund të presim deri sa ta ndajmë me ju", ka shkruar 2po2 në mbishkrimin e këtij imazhi në Instagram.
Përndryshe "Ulu, "Posh", "Facedown" janë vetëm disa nga bashkëpunimet më të suksesshme që dyshja kanë sjellë ndër vite, dhe që gjithmonë janë pritur mirë nga publiku. /Telegrafi/