Lajme Kosovë

Ambasadori gjerman: Kurti ka qenë në dijeni për qëndrimet tona për Asociacionin

Para 9 muajve

Ambasadori i Gjermanisë në Kosovë, Jorn Rohde thotë se nuk e ka pritur që kryeministri Albin Kurti të befasohet me qëndrimin e Gjermanisë dhe as të Francës – shtete të cilat thonë se Kosova duhet të dërgojë draft-statutin e Asociacionit të Komunave me Shumicë Serbe në Gjykatën Kushtetuese, si parakusht për anëtarësim në Këshillin e Evropës.

Rohde tha se Kurti ka qenë në dijeni që për Gjermaninë dhe Francën dërgimi i draftit të Asociacionit në Kushtetuese është hapi i vetëm për të siguruar shumicën e votave të nevojshme për t’u anëtarësuar në Këshillin e Evropës.

“Edhe unë jam i befasuar që ai u befasua. Sepse kryeministri Kurti ka folur me presidentin francez Macron, ai foli me kancelarin tim, ai takoi ministrin tim të jashtëm dhjetë ditë më parë në Berlin, dhe ne kishim të njëjtin mesazh për të: Bëj diçka në Asociacion dhe kjo ndihmon për të siguruar një shumicë”, tha Rohde në një intervistë për KALLXO.com.

Ndër tjerash, ai shtoi që dërgimi i draftit në Kushtetuese është mënyra e vetme, duke shpresuar që kryeministri Kurti të ndërrojë mendje para mbledhjes së Komitetit të Ministrave të shteteve anëtare të Këshillit të Evropës, që pritet të mbahet më 16 ose 17 maj 2024.

“E para, a do të votohet? Sepse ne kemi thënë dhe kemi shprehur mendimin tonë se një votim i dështuar do të ishte fatkeqësi. Kosova ka një shans unik për t’u anëtarësuar së shpejti. Dhe ajo që do të donim është që Kosova të marrë vendimin e duhur, kështu që unë do të preferoja të mos kisha një vendim tani, nëse Kosova nuk po bën hapin e pritur që presim prej tyre”, shtoi Rohde, kur u pyet nëse Kosova hyn në agjendën e Komitetit të ministrave, a do ta marrë votën e Gjermanisë.

Sipas tij, dërgimi i draftit në Kushtetuese është shumë i rëndësishëm dhe se për të siguruar 31 votat e ministrave të jashtëm, apo ⅔ të votave, “ju duhet të keni vërtet të gjitha shtetet anëtare pas jush dhe kjo nuk është ende e sigurt”.

Një ditë më parë, më saktësisht më 08.05.2024, Kurti tha se nuk do ta pranojë Asociacionin e Komunave me Shumicë Serbe si kusht për t’u anëtarësuar në Këshillin e Evropës.

“Për normalizimin e marrëdhënieve me Serbinë bisedojmë në Bruksel, jo në Strazburg” – ka thënë Kurti. Sipas tij, kjo kërkesë, nuk është parimore e as vlerore, por është absurde.

Pengesat për anëtarësim, Kurti tha se i kanë pritur nga shtetet mosnjohëse, por assesi nga shtetet demokratike që janë mbështetëse të Kosovës në zhvillim, e kanë qenë mbështetëse në çlirim e pavarësim, në këtë rast Francën dhe Gjermaninë.

“Mungesa e përkrahjes është për keqardhje. Nuk do t’i ndihmojë normalizimit dhe dialogut dhe nuk i kontribuon demokracisë, paqes dhe sigurisë”, tha Kurti.

Por, ky dokument, sipas Kurtit nuk është zyrtar, sepse u refuzua nga Serbia më 26 tetor 2023 dhe si të tillë nuk mund ta dërgojë në Kushtetuese.

“Për normalizimin e marrëdhënieve me Serbinë bisedojmë në Bruksel, jo në Strazburg”, ka thënë Kurti.

Sipas tij, kjo kërkesë, nuk është parimore e as vlerore, por është absurde.

“Mungesa e përkrahjes është për keqardhje. Nuk do t’i ndihmojë normalizimit dhe dialogut dhe nuk i kontribuon demokracisë, paqes dhe sigurisë”, tha Kurti.

Por, ky dokument, sipas Kurtit nuk është zyrtar, sepse u refuzua nga Serbia më 26 tetor 2023 dhe si të tillë nuk mund ta dërgojë në Kushtetuese.

“Nëse me datë 26 tetor 2023 do të nënshkruhej në Bruksel vetëm atëherë do të dërgohej në Gjykatë Kushtetuese. Si i tillë është një ‘non-paper’ dhe jo një dokument”, shtoi shefi i ekzekutivit.Asociacioni si kusht, Kurti tha se është refuzuar tri herë edhe nga vetë instancat e Këshillit të Evropës.

“Përkundër kësaj, tri herë përgjatë procesit u tentua që të futej kjo kërkesë si parakusht për anëtarësim. Dy herë në komitetin për çështje politike dhe demokraci, më 27 mars në Paris dhe më 16 prill në Strasburg dhe po ashtu gjatë mbledhjes së asamblesë së përgjithshme po atë ditë, por që të tri herët u refuzuan”, tha Kurti.

Ambasada Gjermane kishte theksuar se i takon kryeministrit Kurti dhe qeverisë së tij që ta bindin numrin e nevojshëm të shteteve me mjete të tjera, gjegjësisht duke ndërmarrë hapa të tjerë konkretë drejt krijimit të Asociacionit të Komunave me Shumicë Serbe, “të cilën Kosova është zotuar ta themelojë dhe për këtë arsye është obligim ndërkombëtar. ”

“Sipas mendimit tonë, një hap i tillë do të ishte dorëzimi i projektstatutit në Gjykatën Kushtetuese”, shkruan në përgjigjet e Ambasadës.

Ndërkaq, Mbretëria e Bashkuar tha se e përkrah anëtarësimin e Kosovës në Këshillin e Evropës pa parakushte.

Kosova ka arritur të sigurojë votat e mjaftueshme nga delegatët e shteteve anëtare të këtij mekanizmi ndërkombëtar më 16.04.2024, në Asamblenë Parlamentare të Këshillit të Evropës.

Këta delegatë kanë miratuar raport-opinionin e raportueses për Kosovën, Dora Bakoyannis, në të cilin rekomandohet që Kosova të ftohet për anëtarësim në KE.

Nga 171 delegatët që morën pjesë në votim, 131 votuan për, 29 kundër dhe 11 abstenuan.

Hapi i fundit për këtë proces është votimi nga ministrat e jashtëm të shteteve anëtare. Megjithatë Kosova ende nuk ka hyrë në agjendën e Komitetit të Ministrave.

“Kjo çështje nuk është aktualisht në rendin e ditës për mbledhjen e Komitetit të Ministrave javën e ardhshme”, tha Këshilli i Evropës. /Kallxo.com/