Alves e komenton deklaratën e Messit: Ndoshta gjyqtari ka gabuar

Brazili e mposhti mbrëmë Argjentinën në kuadër të Kupës së Amerikës, për të kaluar kështu në finale të garës më të madhe në Amerikën Latine.

‘Selecao’ fituan 2-0, me golat e realizua nga Gabriel Jesus dhe Roberto Firmino, ndërsa tani do të presin fituesin e përballjes Kolumbi – Peru, për t’u përballur në finale.

Në lidhje me fitoren ndaj Argjnetinës, Dani Alves, është munduar ta shfajësojë Lionel Messin dhe ka arsyetuar deklaratën e tj se Brazili u ndihmua nga gjyqtari dhe VAR-i.

“Të jesh më i miri në botë është e vështirë (qeshë). Nëse ne do të kishim humbur sot, atëherë e gjithë skuadra do të ishte fajtore”, ka thënë fillimisht 36-vjeçari.

Lexo po ashtu Mediat ndërkombëtare: Messi kishte të drejt, Argjentinës iu mohuan dy penalti kundër Brazilit

‘Te Argjentina është më ndryshe. Nëse ata humbasin, atëherë është faji i Leos (Messit). Te ne, të gjithë luajmë së bashku për dallim nga Argjentina që luanë vetëm Messi dhe disa lojtarë”.

Lexo po ashtu Messi fajëson gjyqtarët për eliminimin nga Kupa e Amerikës

“Në pjesën tjetër, unë pajtohem paksa me Messin. Gjyqtari ishte paksa nervoz, ndoshta edhe mund të ketë ndikuar paksa në vendimet e tij, mirëpo ky është futbolli, ka një fitues dhe një humbës”, ka shtuar më tej Alves.

Pesë herë fituesi i Topit të Artë as kësaj radhe nuk arriti ta fitojë një trofe ndërkombëtare me ‘Les Albiceletes’, ndërsa aktualisht është 32-vjeçar. /Telegrafi/