Allegri i ka kërkuar Agnellit shitjen e Ronaldos – situata e rënduar te Juventusi

Ish trajneri i Juventusit, Massimiliano Allegri thuhet se e këshilloi pronarin Andrea Agnelli që të heqë qafe Cristiano Ronaldon, pasi po bllokon zhvillimin e ekipit.

La Repubblica raporton se Allegri i la një këshillë presidentit para se të përfundonin takimin mes tyre.

“Çlirohuni nga Ronaldo, ai po bllokon zhvillimin e ekipit dhe klubit”, i tha ish-trajneri pronarit, sipas gazetës.

Lexo po ashtu Mediumi i afërt me Juventusin tregon arsyet se pse Ronaldo mund të largohet

Juventusi ka fituar tetë Scudetto radhazi dhe Ronaldo po synonte të fitonte gjashtë, pasi pesë nga ta vijnë prej Manchester United dhe Real Madrid.

Por, raportimi pretendon se skenari ka ndryshuar nga të qenit ‘marrëveshja e shekullit’ për Juventusin për t’u bërë pothuajse “një i burgosur” i yllit të tyre.

Lexo po ashtu Asistimi apo huqja e vitit? Dilema që ka ‘kapluar’ rrjetet sociale në bashkëveprimin Ronaldo-Morata

Marrëveshja e Ronaldos skadon në vitin 2022, por Calciomercato.com raporton se sulmuesi do të takohet me klubin pas sezonit për të diskutuar të ardhmen.

Sipas medmiumit, Juventusi është i gatshëm t’i thotë lamtumirë yllit portugez, por ka disa aspekte për t’u marrë parasysh.

Nuk ka oferta konkrete dhe ka një problem me taksat. Mediumi po ashtu zbulon se nëse Ronaldo largohet nga Torino, ai do të detyrohet të heqë dorë nga përfitimet fiskale që vetëm Italia mund të ofrojë. /Telegrafi/